Rais wa Ufaransa Emmanuel Macron Ijumaa amemteua waziri mkuu mpya Francois Bayrou, kiongozi wa chama cha mrengo wa kati baada ya mazungumzo magumu ili kumpata mrithi wa Michel Barnier aliyeondolewa na bunge wiki iliyopita, Ikulu ya Ufaransa imetangaza.
Niger Alhamisi ilitangaza kwamba imesitisha matangazo ya radio BBC kwa miezi mitatu, huku shirika hilo la utangazaji la Uingereza likiingia kwenye orodha ya vyombo vya habari vya nchi za Magharibi vilivyoadhibiwa na serikali za kijeshi katika kanda ya Sahel.
Umoja wa Mataifa Jumatano umeonya kuwa uamuzi wa Taliban wa kuwazuia wanawake kusomea utabibu kutaharibu hali zaidi Afghansitan ambayo tayari inakabiliwa na janga baya sana la kibinadamu.
Uungaji mkono wa vyama vya mrengo wa kulia barani Ulaya umeendelea kukua mwaka huu licha ya wasi wasi wa wapiga kura kuhusu uhamiaji, mfumuko wa bei na vita nchini Ukraine.
Katibu Mkuu wa Umoja wa Mataifa Antonio Guterres, Alhamisi ameziomba nchi tajiri kutimiza ahadi zao ya kuzisaidia nchi masikini katika kukabiliana na mabadiliko ya hali ya hewa.
Rais wa Marekani Joe Biden Jumatano amesema kuwa anajivunia kuona kwamba program ya utafiti wa afya ya wanawake aliyoianzisha mwaka jana kupitia ushawishi wa mke wake, tayari imewekeza karibu dola bilioni moja, kwa kuwa afya njema kwa wanawake inaimarisha ustawi wa Marekani.
Rufat Safarov, mwanaharakati maarufu wa kutetea haki za binadamu kutoka Azerbaijan, ni miongoni wa watu waliopokea tuzo za mwaka huu za Mtetezi wa Haki za Binadamu, kutoka wizara ya mambo ya nje ya Marekani mjini Washington.
Waziri wa Mambo ya Nje wa Marekani Antony Blinken, Jumatano ameondoka kwenda Jordan, na baadaye Uturuki kama hatua ya kuyarai mataifa ya kikanda kuwa na msimamo mmoja wa kuisaidia Syria kufuatia kuondolewa madarakani kwa kiongozi wa kiimla wa muda mrefu Bashar al-Assad.
Polisi nchini Korea Kusini wamesema wamepeleka maafisa kufanya upekuzi katika ofisi ya rais Yoon Suk Yeol leo Jumatano, kama sehemu ya uchunguzi unaoendelea baada ya kutangaza matumizi ya sheria ya kijeshi.
Russia imesema kwamba uhusiano wake na Marekani ni mbaya kiasi kwamba raia wake wameshauriwa kutosafiri kwenda Marekani, Canada au baadhi ya nchi za Umoja wa Ulaya kwa sababu wanakabiliwa na hatari ya kuandamwa na mamlaka za Marekani.
Waziri wa Afghanistan anayehusika na wakimbizi aliuawa Jumatano katika mlipuko kwenye afisi za wizara hiyo katika mji mkuu Kabul, chanzo cha serikali kimeiambia AFP.
Usafirishaji haramu wa binadamu umeongezeka sana kutokana na mizozo, majanga yanayosababishwa na hali ya hewa na mizozo ya dunia, kulingana na ripoti ya Umoja wa Mataifa iliyochapishwa Jumatano.
Pandisha zaidi
