Majeruhi sita kati ya 38 katika ajali ya moto iliyotokea Morogoro, Tanzania, wamefariki na kufanya idadi ya wahanga wa ajali hiyo kufikia 82.
Majeruhi hao walikuwa wanatibiwa katika Hospitali ya Taifa ya Muhimbili. Moto huo ulizuka baada ya lori la mafuta kuwaka moto.
Msemaji wa MNH, Aminiel Aligaesha amesema kwa sasa wamebaki majeruhi 32. Majeruhi 17 kati yao wako katika chumba cha uangalizi maalum (ICU) huku wengine 15 wakiendelea kupatiwa matibabu.
Hospitali hiyo imeendelea kuwaomba watu kuendelea kujitolea damu kwa kuwa bado kunauhitaji mkubwa.
Imetayarishwa na mwandishi wetu, Washington, DC.