Shirika hilo la ndege linalomilikiwa na serikali lilikuwa na matatizo makubwa ya kifedha kwa muda mrefu kutokana na janga la virusi vya Corona.
Kutokana na COVID-19 shirika la ndege hilo lilisitisha operesheni zake Septemba mwaka 2020, wakati lilipoishiwa na fedha.
Kampuni hiyo mwezi April iliishukuru serikali kwa kuipa fedha za kujikwamua kiuchumi.
Shirika hilo pia limeanza kufanya safari za ndani kutoka Johannesburg hadi CapeTown leo na wiki ijayo litaanzisha taratibu safari za kimataifa kwenye miji mikuu mitano ya Afrika.
Miji hiyo ni Pamoja na Accra, Kinshasa, Harare, Lusaka na Maputo.
Serikali ilisema itauza hisa kubwa za SAA kwa wadau wa ndani na utaratibu wa awali umeshakamilika.
