Kwa mujibu wa shirika la habri la AFP, msemaji wa kijeshi wa Israel amesema kwamba wanaweza kudhibitisha kuwa takriban roketi 30 zimerushwa kutoka Lebanon kuelekea kwenye maeneo ya Ein Zeitim na Dalton kaskazini mwa Israel, likiongeza kuwa ripoti za awali zilisema kuwa hakuna watu waliojeruhiwa kutokana na mashambulizi hayo.
Jeshi la Israel limesema kwamba droni yake ilijeruhi kamanda wa Hezbollah kusini mwa Lebanon, likidai kuwa alihusika kwenya mashambulizi dhidi ya Israel.
Jeshi hilo liliongeza kusema kwamba mashambulizi ya Hezbollah yalilenga Kiryat Shmona na Metula, kaskazini mwa Israel.
Shirika la habari la serikali ya Lebanon liliripoti kuwa gari moja lilishika moto baada ya kugongwa na silaha iliyorushwa na droni ya Israel, lilipokuwa likiingia mjini.
Mkuu wa jeshi la wanahewa la Israel Tomer Bar ameonya kuwa iwapo mapigano yatazuka kwenye mpaka wa Lebano, basi kutakuwa na majibizano makali yakilenga mamia ya sehemu ndani ya Lebanon, ikiwemo miji ya Tyre, Sidon, Beirut na Bekaa.
Forum