Idadi ya watu waliofariki kufuatia shambulizi la bunduki mjini San Jose, jimbo la California hapa Marekani, imefikia tisa.
Haya yanajiri huku uchunguzi ukiendelea kubaini ni nini kilipelekea mshukiwa, ambaye pia alifariki, kuanza kuwapiga watu risasi kiholela jana asubuhi.
Waathiriwa wanane, ambao walikuwa na umri wa kati ya miaka 29 na 63, walitambuliwa jana Jumatano.
Wa tisa, Alex Ward Fritch, mwenye umri wa miaka 49, alisafirishwa kwenda Kituo cha Matibabu cha Santa Clara, akiwa katika hali mbaya, na aliaga dunia jana jioni.
Shambulizi hilo limefufua mjadala mkali wa kitaifa kuhusu sheria za umiliki wa silaha hapa Marekani