Habari

Hafla ya Paris yaadhimisha kumalizika Vita vya Kwanza

Rais Donald Trump akishiriki katika maadhimisho ya kumbukumbu ya miaka mia moja tangu kumalizika vita ya kwanza, Paris.

Miaka 100 kamili ikiwa imetimia baada ya vita vya kwanza vya dunia kusitishwa – viongozi kutoka mataifa zaidi ya 60 – nyingi ya nchi hizo ni zile zilizokuwa zimepeleka majeshi na wafanyakazi katika mstari wa mbele Ulaya- walikusanyika katika eneo la Arc de Triomphe kuwakumbuka mamilioni ya watu waliouwawa katika vita hivyo.

Rais wa Marekani Donald Trump na Rais wa Russia Vladimir Putin walikuwa wa mwisho kuwasili katika sherehe hizo zilizofanyika Paris, Ufaransa. Wawili hao walipeana mikono na Putin alinyanyua dole gumba juu kuitikia salamu ya Trump “Vipi hali yako?”

Katika hotuba yake Macron ameeleza kujitoa muhanga watu hawa waliouwawa katika vita miaka mia moja iliopita katika kipindi cha miaka minne ya mauaji ya kinyama huko Ulaya.

“Uaminifu ni msimamo ambao ni kinyume cha ubaguzi,” amesema Macron. “Ubaguzi ni usaliti dhidi ya uzalendo.”

Mapepo ya zamani yanaamka, yakiwa tayari kupandikiza mbegu za chuki na mauaji,” ameonya Rais Macron.

“Historia wakati mwengine inatishia kurejea kwa maafa mbalimbali na kukandamizi urithi wa amani ambao tulikuwa tunafikiria tumekwisha kamilisha kwa damu iliyokuwa imemwagika kwa kujitolea muhanga wahenga wetu.”