Tume ya uchaguzi ya jimbo hilo ilitangaza Jumatatu kwamba chama cha Waddani kimepata viti 31 na kile cha Ucid kilipata viti 21.
Chama tawala cha Kulmiye kimepata viti 30 kwenye bunge lenye viti 82.
Kwa upande mwengine hakuna mwanamke hata mmoja aliyegombania kiti cha bunge aliyeweza kupata ushindi katika uchaguzi huo.
Jamhuri hiyo iliyokuwa sehemu ya Somalia ilijitangazia uhuru mwaka 1991 na haijatambuliwa kimataifa hadi hii leo.
Hata hivyo serikali hiyo imefanikiwa kufanya uchaguzi mara kadhaa chini ya mfumo wa kidemokrasia.
