Pia wanyama aina tisa wakiwemo simba, tembo na duma wapo hatarini, serikali imesema.
Serikali imeeleza tishio hilo kutokana na kuongezeka kwa idadi ya watu, kwa mujibu wa shirika la habari la reuters.
Taifa hilo la Afrika Mashariki lilifanya uchunguzi wa miezi mitatu kwa wanyamapori, kuanzia Mei hadi Julai, ikiwa ni mara ya kwanza kufanya zoezi kama hilo.
Tafiti hiyo ilikuwa na lengo la kuarifu sera zake za hifadhi.
Katika ripoti yake iliyotolewa Jumanne jioni, serikali ilisema juhudi za hifadhi zinakabiliwa na tishio, kutokana na kuongezeka kwa idadi ya watu ambao wanajiingiza katika maeneo yaliyotengwa kwa wanyamapori.
Shughuli za kibinadamu kama kilimo, na ujenzi wa barabara na reli, zimeathiri usambazaji wa wanyama katika maeneo mengine, serikali ilisema.
