Rais wa Nigeria asaini mswaada wa aina yake wa mkopo kwa wanafunzi

Sheria hiyo inatarajiwa kuwasaidia wanafunzi maskini katika kujipatia elimu ya juu.

Wanafunzi ndani ya nchi hiyo ambao sasa wanahudhuria vyuo vikuu, vyuo vya kawaida na kiufundi wataweza kukopa kiurahisi bila kulipa riba kutoka bodi ya mkopo ya Wizara ya Elimu ya Nigeria kwa ajili ya kulipia ada zao.

Mwezi Novemba, Bunge la Nigeria lilipitisha mswaada wa kuitaka benki ya elimu kutoa mikopo kwa wanafunzi.

Lakini rais wa zamani Muhammadu Buhari alishindwa kusimamia mswaada huo hadi alipoondoka madarakani Mei 29, hakuna maelezo yoyote yaliyotolewa kuhusu kwa nini hatua hazikuchukuliwa.

Mswaada huo uliwasilishwa na mkuu wa utawala wa Bwana Tinubu mwaka 2016 Femi Gbajabiamila wakati alipokuwa Spika wa Baraza la Wawakilishi.