Waasi wanaoungwa mkono na Rwanda waliingia katikati mwa mji mkubwa wa Congo Jumatatu.
Milio ya risasi ilisikika karibu na uwanja wa ndege, Katikati mwa mji, na mpaka wa Rwanda ambapo wakazi wawili wanaripoti mapigano kuendelea baina ya vikosi vya serikali na wapiganaji wa M23.
Shirika la habari la Reuters limethibitisha kuhusu eneo la tukio, na majengo yaliyoonekana kwenye video ambazo zimeoanishwa na picha za satelite za eneo.
Wakati huo huo imeelezewa kuwa maelfu ya watu wakiwemo wanajeshi wanaripotiwa kukimbilia nchi Jirani ya Rwanda wakati kundi la waasi linaloshutumiwa kuungwa mkono na Kigali kudai kuuchukua mji wa Goma. Mashambulizi yameendelea licha ya agizo la baraza la usalama la umoja wa mataifa kutaka mapigano kusitishwa.
Walinda amani wa Umoja wa Mataifa walianza kuondoa wafanyakazi wake na familia zao hadi Rwanda huku Kenya ikitoa wito wa kufanyika mkutano wa dharura wa viongozi wa kanda. Marekani, ufaransa na uingereza zilishutumu madai ya Rwanda kuwaunga mkono M23 jambo ambalo Kigali linakanusha.
Forum