Shambulio hilo lililotokea katika kijiji kwenye wilaya ya Kamwenge, limekuja wiki moja kufuatia mauaji ya watu kumi yaliyofanywa na ADF katika eneo hilo, kundi hilo baya lina mahusiano na kundi la Islamic State.
Kamishna mkaazi wa wilaya ya Kamwenge Isiah Byarugaba ameliambia shirika la habari la AFP kuwa washambuliaji waliichoma moto nyumba wakati waathirika wakiwa ndani.
“Waasi wa ADF wamewaua watu watatu, mwanamke mzee na wajukuu zake wawili. Waliunguzwa wakiwa ndani ya nyumba yao jana usiku” alisema.
Jeshi na polisi wanawafuatilia washambuliaji, aliongeza
Desemba 19, waasi wa ADF waliwaua watu 10 katika eneo la kibiashara la Kamwenge, wilaya n iliyoko karibu na mpaka wa Jamuhuri ya Kidemokrasia ya Congo ambako ni ngome ya kundi hilo la waasi.
ADF inashutumiwa kufanya mauaji ya maelfu ya watu huko DRC katika miaka ya hivi karibuni na kufanya mashambulizi katika mpaka ulioko kwenye ardhi ya Uganda.
Forum