Andry Rajoelina mwenye umri wa miaka 49 mjasiriamali na Dj wa zamani aliingia madarakani katika mapinduzi ya mwaka 2009 ambayo yaliwatia khofu wawekezaji katika taifa hilo la kisiwa lililoko kwenye bahari ya Hindi.
Alijiuzulu baada ya takriban miaka mitano kama kiongozi wa utawala wa mpito na baadae alikuwa rais baada ya kushinda uchaguzi wa mwaka 2018.
Maafisa wanasonga mbele na mipango ya uchaguzi wa duru ya kwanza Alhamisi siku chache baada ya kiongozi huyo wa baraza kuu la bunge, mwanachama wa chama cha rais mwenyewe kutaka upigaji kura huo isitishwe kwa sababu masharti hayakuwa sawa.
Zaidi ya wiki sita polisi wametumia gesi ya machozi kuvunja maandamano ya mara kwa mara ya wafuasi wa wapinzani wa kisiasa wa Rajoelina ambaye wanasema hana sifa kwa sababu alichukua uraia wa ufaransa mwaka 2014.