Anta Babacar Ngom, mfanyabiashara mwenye umri wa miaka 40, ni sauti ya wanawake na vijana, makundi ambayo yameathiriwa vibaya sana na hali ngumu ya uchumi, ukosefu wa ajira, na kupanda kwa bei za bidhaa.
Kwenye kampeni zake, Ngom, amekuwa akiahidi kutengeneza mamilioni ya ajira, pamoja na benki ya wanawake, kwa lengo la kuwainua kiuchumi. Katika mahojiano ya hivi karibuni na shirika la habari la AP, Ngom alisema kwamba “ Taifa letu lina uwezo mkubwa sana, rasilimali za asili ziko na zinaweza kuendelezwa.”
Ngom ni mwanamke wa kwanza kuwania urais nchini humo baada ya zaidi ya muongo mmoja, ishara ya kasi ndogo ya mabadiliko, kulingana na wanaharakati, ambao wanasema kuwa vijana wameanza kubadili dhana za kitamaduni kuhusu nafasi ya mwanamke katika jamii.