Ndege zisizo na rubani za Bayraktar TB2 za Uturuki ziliwasilishwa kwa jeshi la Sudan mwezi uliopita, Jarida hilo liliripoti.
Jeshi la Sudan na kikosi cha wanamgambo cha Rapid Support Service, RSF, wamekuwa kwenye mzozo wa kuwania madaraka uliozuka Aprili 15, na ambao umesababisha vifo vya mamia ya watu.
Wasemaji wa Wizara ya Mambo ya Nje ya Misri na jeshi la Sudan hawakujibu maombi ya kutoa kauli yaliyotumwa na gazeti hilo.
Reuters haikuweza kuthibitisha ripoti hiyo moja kwa moja.
Shirika la Umoja wa Mataifa la kuhudumia wakimbizi, UNHCR, wiki hii limeonya kwamba dharura ya kibinadamu ya Sudan iliyochochewa na mvutano wa majenerali wawili wanaopigania udhibiti wa nchi hiyo imezua mzozo mkubwa wa kibinadamu.
Mzozo huo upo ndani ya Sudan na katika nchi jirani zinazo wapa hifadhi wakimbizi, mzozo ambao una hatari wa kuyumbisha utulivu wa kanda hiyo kadiri mzozo unavyoendelea.
“Popote pale duniani ambapo mzozo unazidi kuendelea, na Sudan kuna uwezekano kuzidi kuendelea, itafanya kuwa moja ya orodha yangu ndefu ya matatizo ya muda mrefu,” alisema Ayman Gharaibeh, mkurugenzi wa ofisi ya UNHCR ya kanda ya Mashariki ya Kati na Afrika Kaskazini.
Karibu ya watu milioni 6 nchini Sudan wamefurushwa kutoka makaazi yao toka mapigano kuanza katikati ya Aprili, na kufanya kuwa mzozo wa sasa kabisa uliosababisha wakimbizi kwa haraka zaidi duniani.