Nchi hiyo, ambayo ni ya pili barani Afrika kwa idadi kubwa ya watu, ilitangaza mapema mwezi huu kwamba ilinuia kukosa kulipa deni hilo, baada ya kukumbwa na tatizo kubwa la kifedha kutokana na janga la COVID-19 na vita vya wenyewe kwa wenyewe vya miaka miwili, vilivyomalizika mnamo Novemba 2022.
Ilipaswa kufanya malipo hayo mnamo Desemba 11, ingawa ilikuwa na hadi Jumanne kulipa pesa hizo kutokana na kifungu kilichoipatia siku 14 cha bondi ya dola bilioni 1.
Kulingana na vyanzo viwili vinavyofahamu hali hiyo, wamiliki wa dhamana walikuwa hawajalipwa hadi mwisho wa Ijumaa Desemba 22, siku ya mwisho ya kazi ya benki ya kimataifa kabla ya muda uliowekwa kuisha.
Maafisa wa serikali ya Ethiopia hawakujibu maombi ya maoni yao siku ya Ijumaa au mwishoni mwa juma, lakini kushindwa kunakotarajiwa kutaungana na mataifa mengine mawili ya Afrika, Zambia na Ghana, katika urekebishaji kamili wa pamoja, wa mfumo wa fedha. Ethiopia iliomba kwanza kusamehew deni lakechini ya mpango ulioongozwa na G20 mapema 2021.