Uchaguzi Madagascar: Jeshi laonya dhidi ya jaribio lolote litakaloiyumbisha nchi

Wagombea kumi kati ya 12 wa upinzani walisusia kupiga kura kufuatia wiki kadhaa za maandamano ya ghasia mitaani. Tume ya uchaguzi ilimtangaza aliyekuwa madarakani Rais Andry Rajoelina kuwa mshindi, na mahakama ya kikatiba inatazamiwa kuidhinisha matokeo siku ya Ijumaa.

Mwendesha mashtaka, Narindra Rakotoniaina, alisema katika taarifa yake kwamba maafisa wawili wa jeshi walikuwa wamefungwa na wataendelea kuzuiliwa hadi kesi itakaposikizwa mnamo Januari 16. Hakuwataja maafisa hao wala kutoa vyeo vyao.

Akihutubia wanahabari katika mji mkuu wa Antananarivo siku ya Jumatano, Jenerali William Michel hakutaja kukamatwa kwa watu hao lakini alisema jeshi limejitolea kuheshimu matokeo ya uchaguzi.