Ziara ya Trump katika miji hiyo miwili inakuja huku mjadala ukiendelea kuhusiana na sheria ya umiliki wa bunduki, na kukosolewa kwa matamshi ya Trump kuhusu wahamiaji wasiokuwa na stakabadhi, ambayo yametajwa kuwa matamshi ya ubaguzi wa rangi.
Watetezi wa sheria kali za umuliki wa bunduki, walikutana karibu na White House, wakitaka baraza la senate kupigia kura mswada uliopitishwa na baraza la wawakilishi linalodhibitiwa na Wademokrati, unaotaka watu wanaonunua bunduki, kufanyia ukaguzi wa kina kuhusu historia yao.
Imetayarishwa na mwandishi wetu Washington, DC.
