Waendesha mashtaka wanasema Sarkozy alitumia karibu mara mbili ya kiwango kilichoruhusiwa kwa mujibu wa sheria ya Ufaransa katika uchaguzi ambao hasimu wake Francois Hollande alishinda.
Sarkozy, ambaye aliiongoza Ufaransa kuanzia mwaka 2007-2012, amekataa kufanya kosa. Wakili wake amesema atakata rufaa dhidi ya uamuzi wa mahakama.
Mahakama hiyo imesema anaweza kutumikia kifungo chake nyumbani huku akivaa bangili ya elektroniki ya kumfuatilia.
Sarkozy alikutwa na hatia kwa makosa ya rushwa katika kesi ynyingine mwezi Machi, na alihukumiwa kifungo cha miaka mitatu jela huku miaka miwili ikisitishwa. Amekata rufaa dhidi ya hukumu hiyo.
