Collins Jumaisi Khalusha mwenye umri wa miaka 33 anaelezwa na polisi kuwa kama “shetani” alikamatwa Jumatatu alfajiri, baada ya kugunduliwa kwa miili iliyokatwa na kutupwa katika jalala la taka huko Nairobi.
Tangu siku ya Ijumaa miili 10 ya wanawake iliyochinjwa na kuwekwa ndani ya magunia ya plastiki ilianza kujitokeza katika eneo la kutupa taka katika kitongoji cha Mukuru kulingana na tume ya kitaifa ya haki za binadam na kuzusha hofu miongoni mwa raia.
Mkuu wa idara ya upelelezi wa jinai Mohamed Amin aliwambia waandishi habari Jumatatu kuwa Khalusha alikiri kuwauwa wanawake 42 pamoja na mkewe tangu mwaka 2022. Hajatoa ushahidi wowote kuthibitisha madai hayo.
Forum