Watu 12 wafariki DRC kutokana na maporomoko yaliyosababishwa na mvua

Maporomoko hayo yalitokea Jumamosi adhuhuri katika wilaya ya Dibaya Lubwe katika jimbo la Kwilu, na kusababisha udongo na uchafu kwenye ukingo wa Mto Kasai, ambapo boti moja ilikuwa ikitia nanga, na watu walikuwa wakifua nguo.

Kaimu gavana wa jimbo hilo Felicien Kiway alisema, miili 12 imetolewa kutoka kwenye vifusi hadi sasa, ikiwa ni pamoja na wanawake tisa, wanaume watatu na mtoto mchanga.

Mratibu wa jumuiya ya kiraia ya eneo hilo, Arsene Kasiama, alisema udongo huo uliwaangukia watu waliokuwa wakinunua bidhaa sokoni.