Mwili wa Bate Urgessa kutoka chama cha Oromo Liberation Front, OLF, ulipatikana Jumatano ukiwa umetupwa karibu na barabara nje ya mji wa Meki, muda mfupi baada ya kukamatwa na wanajeshi wa serikali, chama chake kimesema.
Marekani, Umoja wa Ulaya na Uingereza wameungana na wanaharakati wa haki za binadamu kutaka uchunguzi wa kina ufanyike kuhusiana na mauaji ya Bate, ambaye alikuwa mwanasiaa muwazi, na ambaye kwa miaka mingi alikuwa akiwekwa kizuizini na kutolewa.
Polisi kutoka eneo la East Shawa ambako mwili wake ulipatikana wamewakamata washukiwa 13 kutokana ufyatuaji risasi, mtandao wa utangazaji wa Oromia umesema Alhamisi, ukiongeza kuwa Bate alizikwa Alhamisi mjini humo.
Bate mwenye umri wa miaka 41 aliachiliwa kwa dhamana mapema mwezi uliopita baada ya kukamatwa akiwa na mwanahabari wa Ufaransa Anatoine Galindo, baada ya kukamatwa Februari.