Rais mteule Donald Trump Jumanne ametangaza mipango ya kuunda idara mpya inayoitwa “ Idara ya mapato ya nje” kukusanya ushuru na mapato mengine kutoka mataifa ya kigeni.
“Tutaanza kuwatoza wale wanaopata pesa kutoka kwetu kupitia biashara, wataanza kulipa,” Trump alisema kwenye mtandao wake wa kijamii, Truth Social.
Alilinganisha mpango wake wa kuunda idara hiyo na Idara ya kukusanya mapato ya ndani, ambayo ni mamlaka ya kitaifa ya kukusanya kodi ya ndani.
Kuunda idara hiyo mpya kutahitaji sheria itakayopitishwa na bunge, na Warepublican wana wingi wa viti katika Baraza la Wawakilishi na katika Baraza la Seneti.