Wapiga mbizi wakisaidiwa na helikopta waliendelea kumtafuta mtu aliyepotea.
Ndege ya kubeba wagonjwa, magari kadhaa ya dharura, na ya zima moto, pamoja na Walinzi wa Pwani na polisi walihusika katika uokoaji na msako huo.
Huduma ya Taifa ya Zimamoto na Uokoaji ilisema watu 20 waliweza kuogelea hadi ufukweni au kuokolewa na boti nyingine, na watano kati yao walipelekwa katika hospitali za eneo hilo kwa matibabu.
Hata hivyo Juhudi za uokoaji zilizorota kutokana na mvua kubwa na giza, mamlaka zilisema.
Vyombo vya habari vya Italia viliripoti kuwa boti hiyo ilikuwa imebeba watu 25 wakiwemo abiria na wafanyakazi. Abiria walikuwa wakisherehekea siku ya kuzaliwa wakati dhoruba kali iliyozuka ghafla ziwani na upepo mkali kuipindua mashua hiyo
Taarifa ambazo hazijathibitishwa zilizopo katika vyombo vya habari vya eneo zilisema kuwa abiria hao walikuwa raia wa Uingereza, Italia na Israel.
Ziwa Maggiore ni kivutio maarufu cha watalii, upande wa kusini wa mlima wa Alps ulioko kwenye mpaka kati ya Italia na Uswizi.