Zelenskyy asema maelfu ya wakazi wa kusini mwa Ukraine hawana maji ya kunywa baada ya bwawa kulipuliwa

Zelenskyy aliandika kwenye ukurasa wake wa Twitter kwamba uharibifu wa bwawa hilo ulikuwa wa makusudi kabisa huku akiwalaumu wanajeshi wa Russia.

Rais pia ameishutumu Moscow zaidi kwa kutochukua hatua kusaidia wale wanaoishi katika maeneo yaliyo chini ya udhibiti wao ambao sasa wanakabiliana na athari za mafuriko.

Maafisa wa Ukraine walisema zaidi ya watu 17,000 walikuwa wakihamishwa kutoka maeneo kando ya Mto Dnipro.

Wakati huo huo takriban miji na vijiji 40 vilikuwa vimefurika maji katika maeneo yaliyo chini ya udhibiti wa Ukraine kufuatia shambulizi hilo.

Zaidi ya watu 900 walihamishwa kutoka maeneo yanayokaliwa na Russia.