Maswali yao yanatarajiwa zaidi kulenga juu ya mazumgumzo ya simu ya mwezi Julai kati ya Trump na rais wa Ukraine Volodymyr Zelenskiy.
Pia wataangaza hatua alizochukuwa Volker baada ya simu hiyo na shughuli za wakili binafsi wa Trump Rudy Giuliani kuhusiana na madai kwamba Trump alimwekea shinikizo Zelenskiy kumchunguza makamu rais wa zamani Joe Biden.
Shutuma hizo zilikuja baada ya mtoa taarifa wa siri kutoa malalamiko wiki iliyopita ambayo alisema kwa mujibu wa maafisa wa White House kwamba Trump pia alimwekea shinikizo Zelenskiy kukutana au kuzungumza na watu ambao aliwataja kama wawakilishi wake binafsi juu ya masuala haya ambao ni Rudy Giuliani na mwanasheria mkuu wa Marekani William Barr.
Imetayarishwa na mwandishi wetu, Washington, DC.
