Meya wa Los Angeles Karen Bass amesema bado alikuwa na wasiwasi kwamba watu wanaweza kujisahau kama kimbunga Hilary kimewaacha bila ya madhara makubwa, lakini baadae dhoruba inaweza kurejea tena na kuwashangaza watu ambao hawakujitayarisha.
Matope na miamba iliangukia kwenye barabara kuu, huku maji yakifurika kwenye barabara na matawi ya miti kuanguka katika maeneo jirani kuanzia San Diego hadi Los Angeles.
Dazeni ya magari yalikwama kwenye maji ya mafuriko katika eneo ambalo kwa kawaida lina joto na hali ya ukavu huko Palm Desert na kwenye jamii zinazozunguka kwenye bonde la Coachella.
Video kutoka televisheni ya KESQ zilionyesha magari yakipita kwenye mitaa yenye mafuriko huko Palm Springs. Wafanyakazi walikuwa wakitoa maji ya mafuriko kutoka kwenye chumba cha dharura katika kituo cha afya cha Eisenhower huko Rancho Mirage.
Habari hii inatokana na vyanzo mbalimbali.
Forum