Kipyegon wa Kenya ashinda dhahabu katika mbio za mita 1,500 mjini Budapest

Kipyegon, bingwa mara mbili wa Olimpiki , hajashindwa kwa muda wa miaka miwili mfululizo.

Akiwa bado na umri wa miaka 29, Budapest ni Mashindano yake ya sita ya Dunia, na sasa ana tuzoi tatu za dhahabu, mbili za fedha.

“Ninashukuru kwa kuvunja rekodi za dunia,” alisema Kipyegon. "Nilikimbia mbio zangu," aliongeza. "Sote tulikuwa na nguvu kwenye fainali. Siku hizi ukitaka kushinda 1500m lazima kukimbia kwa dakika 3:55 na chini. Zilikuwa mbio za kasi na nina furaha sana niliweza kutetea taji langu."

Muethiopia Diribe Welteji mwenye umri wa miaka 21 alikuwa wa pili, huku Sifan Hassan wa Uholanzi, akichukua nafasi ya tatu.

Kipyegon na Hassan huenda wakamenyana tena baadaye wiki hii wakati wote wawili wakikimbia mbio za mita 5,000.