Kiongozi wa Korea Kaskazini apokea ujumbe wa Russia na China katika kilele cha sherehe za miaka 70

Kim ametumia sherehe hizo kwa ajili ya kujenga diplomasia baada ya miaka kadhaa ya kujitenga kwasababu ya masharti makali ya kudhibiti COVID-19.

Waziri wa Ulinzi wa Russia Sergei Shoigu na mjumbe wa Politiburo ya China Li Hongzhong waliwasilisha barua kwa Kim kutoka kwa viongozi wao, Vladimir Putin na Xi Jinping, chombo cha habari cha serikali KCNA kilisema Alhamisi.

Kilisema kuwa Kim alipokea barua kwa shukrani kubwa, akielezea urafiki wa miongo mingi kati ya nchi zao.

Wajumbe hao walikaribishwa na Kim katika maonyesho ya muziki baada ya saa sita usiku, ambapo yaliadhimisha ushindi unaodaiwa kwa muda mrefu na taifa hilo dhidi ya “uvamizi wa kijeshi uliofanywa na ubeberu wa Kimarekani.

Vita vya Korea vya 1950-53 vinaelezewa kuwa ni vita vya ukombozi wa ardhi baba huko Korea Kaskazini, mapigano ya umwagaji damu ambayo kimakosa yalichochewa na Marekani na washirika wake.

Maadhimisho hayo ya miaka 70 ni ambayo Pyongyang wanahitaji kujipamba na hatua muhimu ya mafanikio.