Netanyahu, ambaye alikutana na Rais wa Kongo Felix Tshisekedi wakati wa Mkutano Mkuu wa Umoja wa Mataifa, alitangaza katika taarifa kwamba Israeli pia itafungua ubalozi huko Kinshasa, mji mkuu wa Jamhuri ya Kidemokrasia ya Kongo.
Ni nchi chache tu zilizo na balozi zao mjini Jerusalem, huku nyingine nyingi zikidumisha uwakilishi wao wa kidiplomasia katika mji wa pwani wa Tel Aviv, kitovu kikuu cha kiuchumi cha Israeli.
Wakati Israeli inauchukulia mji wa Jerusalem kuwa mji mkuu wake wa milele, na uslio imara, huku ikitaka balozi zote ziwepo humo, sehemu kubwa ya dunia haitambui mamlaka ya Israeli dhidi ya mji wote wa Jerusalem, wakiamini suala hilo linapaswa kutatuliwa kwa njia ya mazungumzo.
Wapalestina wanataka watambuliwa kama taifa na mji wao mkuu uwe katika eneo la mashariki mwa Jerusalem, ambalo Israeli ililiteka katika vita vya Mashariki ya Kati vya mwaka 1967.
Forum