Downing Street, Imesema Jumapili katika taarifa yake kuwa, viongozi hao watashiriki katika majaribio ya kila siku ya upimaji, ambayo yatawaruhusu kuendelea kufanya kazi katika majengo ya Downing Street, lakini wajitenge wakati hawapo katika ofisi zao.
Tangazo hilo limekuja baada ya Waziri wa Afya wa Uingereza, Sajid Javid, ambaye anaongoza kitengo cha majibu kuhusu virusi vya Corona nchini humo, alisema jana Jumamosi, yeye amepimwa na kukutwa ana COVID-19.
Hivi sasa amesema tayarina anajitenga ili kuzuia virusi kusambaa kwa wengine.
Wakati huo huo, kesi za COVID-19 zinaongezeka nchini Marekani na duniani kote, kwa kiasi kikubwa zinatokana na aina mpya ya virusi vya Corona vya delta.
Maeneo yanaanza kurejesha masharti kama vile kuvaa barakoa ili kupunguza idadi ya waathirika.
