Hii imekuja baada ya Marekani, Umoja wa Ulaya na Uingereza kuelezea wasiwasi kuhusu uamuzi wa Juba wa kuweka ushuru katika baadhi ya bidhaa zinazonunuliwa na U.N.
Tume ya Umoja wa Mataifa ya Kulinda Amani Sudan Kusini — UNMISS — tayari imepunguza operesheni zake za usalama huko Sudan Kusini.
Mjumbe maalum wa Katibu Mkuu wa Umoja wa Mataifa Sudan Kusin Nicholas Haysom anasema hatua ya Juba kutoka kodi katika huduma mbalimbali zimetolewa na UN huko Sudan Kusini kutasababisha matokeo mabaya yakiwemo kukatwa kwa misaada na uungwaji mkono wa huduma nyingine za kibinadamu.
Katika taarifa ya pamoja ya Marekani, Canada, Umoja wa Ulaya, Ufaransa, Ujerumani, Japan, Uholanzi, Norway, Sweden, Uswizi na Uingereza wanaishutumu Juba kwa kuweka kodi katika vibali kadhaa na ada, kinyume na utendaji wa kimataifa na sheria za Sudan Kusini.
Hizi ni pamoja na kibali cha uidhinishaji wa E Petroleum, tozo ya forodha, noti ya kielectroniki ya kufuatilia shehena, uchunguzi wa maabara ya mgao wa chakula na ada ya kusindikiza ya usalama.