Nchi inachagua bunge jipya wakati mashambulizi ya wanamgambo yameongezeka na kuweka giza nene katika upigaji kura na migawanyiko mikubwa ya kisiasa na kuonekana huenda kukawa na serikali ya mseto.
Uchaguzi umekuja wakati muhimu katika taifa hilo lenye nguvu za nyuklia, ambayo ni mshirika wa Magharibi anayepakana na Afghanistan, China, India na Iran eneo lenye mipaka yenye mizozo na mivutano ya uhusiano.
Serikali ijayo ya Pakistan, itakabiliwa na changamoto kubwa, kutokana na hali ya ghasia, ili kukabiliana na mzozo mkubwa wa kiuchumi ambao unatokana na uhamiaji haramu.
Maelfu ya polisi na vikosi vya jeshi wamepelekwa kwenye vituo vya kupiga kura kote nchini Pakistan kuimarisha ulinzi mkali.
Bado, katika siku ya mkesha wa uchaguzi, kulikuwa na mashambulizi mawili ya mabomu kwenye ofisi za uchaguzi katika jimbo la kusini maghairbi la Baluchistan ambapo watu 26 waliuawa na wengine kadhaa kujeruhiwa.
Vyama vya siasa karibu 44 vinawania kupata viti katika bunge lenye viti 266 ambavyo vinagombaniwa katika bunge la taifa.