Umati wa watu Jumapili ulishiriki katika maandamano ya kuunga mkono Palestina na Israel na hafla za kumbukumbu zimefanyika kote duniani katika mkesha wa maadhimisho ya kwanza ya mashambulizi ya Hamas dhidi ya Israel.
Matukio hayo ya Jumapili yanafuatia maandamano makubwa ambayo yalifanyika Jumamosi katika miji kadhaa ya Ulaya, ikiwemo London, Berlin, Paris na Rome.
Matukio mengine yanapangwa wiki hii, makubwa zaidi yakitarajiwa leo Jumatatu, tarehe ya maadhimisho.
Huko Australia, maelfu ya watu waliandamana Jumapili kuunga mkono Wapalestina na Lebanon katika miji tofauti, huku maandamano ya kuiunga mkono Israel yakifanyika katika mji wa Melbourne.