Baraza Kuu la Mawasiliano la Burkina Faso (CSC) limetangaza kusimamisha matangazo na vipindi vya BBC/ Africa na VOA kufuatia habari iliyotangazwa kuhusu ripoti ya Human Rights Watch inayolishutumu Jeshi la Burkinabe kwa udhalilishaji mbalimbali wanaowafanyia raia.
Hatua ya CSC inahusisha amri ya kusimamisha mara moja kutangaza marejeo ya vipindi na kuamuru kusimamishwa kwa muda matangazo mengine ya vituo mbalimbali vya radio za kimataifa kwa wiki mbili. Pia tovuti na mitandao ya kidigitali ya BBC, VOA, na shirika la Human Rights Watch shughuli zao zimesimamishwa ndani ya Burkina Faso.
Katika matangazo ya habari hiyo iliyokuwa katika ripoti ya Human Rights Watch, VOA ilitafuta majibu kutoka kwa maafisa kadhaa wa Burkina Faso lakini hawakupata majibu yoyote.
VOA itaendelea na msimamo wake wa kuripoti kuhusu Burkina Faso na inakusudia kuendelea kutoa habari kamili na zisizoegemea upande wowote za shughuli mbalimbali zinazotokea nchini humo.