Mashambulizi hayo mawili yalifanyika siku ya Jumapili katika maeneo tofauti ya nchi hiyo ambayo imekumbwa na miaka kadhaa ya uasi mbaya wa wanamgambo wa kiislamu.
“Watu wenye silaha walishambulia msikiti huko Natiaboani Jumapili nyakati za alfajiri, na kuua watu kadhaa”, chanzo cha usalama kimesema.
Mkazi wa eneo hilo ameiambia AFP kwa njia ya simu kwamba “Waathirika wote walikuwa Waislamu, wengi wao wakiwa wanaume waliokuja kushiriki sala ya alfajiri.”
Chanzo kingine kilisema “magaidi waliingia ndani ya mji mapema asubuhi. Walizingira msikiti na kuwaua waumini waliokuwa wamekusanyika kwa ajili ya sala ya kwanza ya siku.”
Forum