Ikitangazwa katika mkutano wa viongozi wa Kundi la G20 uliofanyika India mwezi uliopita, Njia ya Usafirishaji wa Kiuchumi kati ya India-Mashariki ya Kati – Ulaya au IMEC, inaonekana kama ni njia ya kisasa ya kusafirisha viungo na juhudi mbadala ya mradi wa China wa Belt and Road Initiative.
Mlango huo wa biashara unakusudia kuweka mtandao wa reli na usafiri wa baharini unaounganisha UAE, Saudi Arabia na Jordan hadi bandari ya Haifa ya Israeli katika bahari ya Mediterranean. Bidhaa zinaweza baadaye kusafirishwa hadi Ulaya, kwa kutopitia Mfereji wa Suez.
Lakini wakati Israel inafanya mashambulizi huko Gaza kujibu shambulizi lililofanywa na wanamgambo wa Hamas Oktoba 7, eneo hilo limetumbukia katika matatizo ya ukosefu wa usalama huku vita vikipamba moto na kuwa vibaya zaidi kuliko vita vitano vya Gaza vilivyotangulia.
“Hivi sasa tunakabiliwa na uwezekano wa kuenea kwa vita hivi katika eneo pana zaidi na hilo ni uthibitisho wa uhakika kwa IMEC,” kulingana na Chinatamani Mahapatra, muasisi wa taasisi ya Kalinga Institute of Indo Pacific Studies huko New Delhi. “Katikati ya mgogoro huu, mradi huu kamili wa IMEC unaelekea kutoweka.”
Forum