Hatua hiyo imechukuliwa ikiwa siku chache tu baada ya kufanyika kwa uchaguzi wa bunge ambao upinzani wa kiislamu ulipiga hatua kubwa kwenye ufalme huo unaoungwa mkono na Marekani.
Hassan ambaye sasa ni mkuu wa ofisi ya mfame Abdullah, na ambaye alikuwa waziri wa mipango, sasa anachukua nafasi ya Bisher Khaswneh, mwanadiplomasia wa muda mrefu, na ambaye aliwahi kuwa mshauri wa kasri ya mfalme, aliyeteuliwa karibu miaka minne iliopita, taarifa zimeongeza.
Taarifa zimeongeza kusema kuwa Khaswneh atabaki kuwa kaimu hadi pale baraza jipya la mawaziro litakapoundwa. Hassan aliyesomea chuo kikuu cha Havard, na ambaye ni mtaalam anayeheshimika sana, ana kibarua kigumu cha kudhibiti athari za vita vya Gaza kwenye uchumi wa ufalme huo, ambao pia unashuhudia kushuka kwa idadi kubwa ya watalii wanaoutembelea.
Waziri mkuu aliyeondoka aliahidi kuleta mabadiliko yalioanzishwa na mfame Abdullah, ili kubadili ukuaji uliodumaa kwa takriban muongo mmoja.
Forum