Waziri wa mambo ya nje wa Jordan, ahitimisha ziara ya Iran

Ziara ya Safadi, nchini Iran inafuatia kuendelea kwa mawasiliano ya kidiplomasia kati ya Marekani na washirika wake ikiwemo Ufaransa, Uingereza, Italia na Misri kwa ajili ya kuzuia ongezeko zaidi la mvutano wa kikanda kufuatia mauaji ya kiongozi wa Hamas, Ismail Haniyeh mjini Tehran.

Televisheni ya taifa ya Iran, imeripoti kwamba katika mkutano na Safadi, Rais wa Iran, Masoud Pezeshkian, amesema mauaji ya Haniyeh ni kosa kubwa la utawala wa Israel, ambalo halitapita bila kujibiwa.

Iran na Jordan zinaboresha uhusiano wao kufuatia mvutano wa karibuni baina yao.