Kiongozi wa kijeshi wa Burkina Faso amfukuza waziri mkuu na kuivunja serikali

Waziri mkuu aliyefukuzwa aliongoza serikali tatu mfululizo, akinusurika kila yanapofanyika mabadiliko ya baraza la mawaziri.

Hakuna sababu iliyotolewa ya kumfuta kazi Apollinaire Joachim Kyelem, ambaye aliteuliwa kuwa waziri mkuu mwezi Oktoba 2022 baada ya mapinduzi ya kijeshi yaliyomuweka madarakani kepteni Ibrahim Traore.

Nchi hiyo ya Afrika Magharibi ilitumbukia katika ukosefu wa usalama kufuatia mapinduzi ya Januari 2022 ambapo Luteni Kanali Paul Henri Sandaogo Damiba alichukua madaraka.