Shirika la mwezi mwekundu limesema kwamba watu watatu wamefariki kufuatia shambulizi dhidi ya gari, nje ya Tulkarem.
Bila kutoa taarifa zaidi, jeshi la Israel limethibitisha kwamba limetekeleza shambulizi hilo.
Wapalestina wamesema kwamba operesheni kama hiyo inalenga kuipatia Israel uwezo wa kutawala sehemu hiyo kijeshi.
Wakati huo huo, walowezi wa kiyahudi wameongeza mashambulizi dhidi ya wapalestina.
Jeshi la Israel liliesema jana Jumatano kwamba limeongeza mashambulizi katika mji wa Tulkarem, Ukingo wa Magharibi, na katika miji mingine miwili ya kaskazini.
Limesema kwamba limeharibu maabara ya kutengeneza vilipuzi, karakana ya kutengeneza silaha na gari lililokuwa limejaa vilipuzi.
Jeshi la Israel pia limesema kwamba shambulizi la anga limeuwa wapiganaji watano katika mji wa Tubas.
Forum