Hali ya nchi kufuata mikataba ya haki za binadamu iliyo na uzito wa kisheria ambayo inahakikisha uhuru muhimu hufanyiwa tathmin ya mara kwa mara na Umoja wa Mataifa.
Lakini katika hali isiyo ya kawaida, wajumbe 15 wa Burundi walitoka nje ya kikao cha Kamati ya Haki za Kibinadamu ya Umoja wa Mataifa siku ya Jumatatu mjini Geneva kwa sababu ya kile ilichokiita “kuwepo kwa wahalifu wanaojifanya wanachama wa mashirika ya kiraia.”
Tukio hilo linafuatia kukataa kwa Nicaragua kushiriki katika mchakato wa tathmini ya mateso na kutokuwepo kwa Russia katika tathmini mbili za mwaka jana, jambao ambaloi mkuu wa shirika la Haki za Kibinadamu la Umoja wa Mataifa Volker Turk, alielezea mwezi Juni kama "ukosefu mkubwa wa ushirikiano" na mfumo wa haki za binadamu.
"Kuna mazoea na hili linazidi kuwa tatizo. Hapo awali, mataifa yalikuwa na hakika kwamba hili lilikuwa muhimu, lakini kumekuwa na upungufu wa ushirikiano katika siku za hivi karibuni kuhusu mkataba wa Umoja wa Mataifa," Patrick Mutzenberg, Mkurugenzi wa Kituo cha Haki za Kiraia na Kisiasa, aliliiambia shirika la habari la Reuters. .
Mwanasheria wa Burundi na mtetezi wa haki za binadamu Armel Niyo-ngere alisema maafisa wa serikali walijiondoa kwenye Kamati ya Haki za Kibinadamu dakika chache baada ya kikao kuanza juu ya uwepo wake katika mkutano huo. Niyo-ngere anaishi uhamishoni baada ya kushiriki katika maandamano ya 2015.
Forum