Upepo ulianza kushika kasi kote kusini mwa California wakati wataalam wa hali ya hewa wakionya “kuwa ni tishio kwa maisha.” Tayari Biden alikuwa ameingia kwenye gari lake rasmi kuanza safari, wakati tukio hilo lilipofutwa.
White House awali ilisema kuwa Biden angehutubia akiwa Los Angeles, lakini baadaye ilitangazwa kuwa itafanyika wiki ijayo huko Ikulu, ikiwashirikisha watu wengine pia. Idara ya Kitaifa ya Hali ya Hewa imesema kuwa upepo huo wa Santa Ana, ndiyo wenye nguvu zaidi kwa zaidi ya muongo mmoja, na kwamba utashika kasi zaidi Jumatano asubuhi, ukikisiwa kuwa katika kasi ya kilomita 129 kwa saa.
Baadhi ya maeneo ya milima na mabonde huenda yakashuhudia upepo wa kasi ya hadi kilomita 160 kwa saa. Tangazo la Biden ni sehemu ya utawala wake ya kuhifadhi takriban asilimia 30 ya ardhi ya Marekani pamoja na maji ifikapo 2030, kupitia mpango wake wa ‘America the Beautiful.”