Afisa huyo ameonya kuhusu kuwepo kwa kizazi kilichopotea kwenye taifa hilo ndogo linalokabiliwa na majanga kadhaa ikiwemo vita vinavyoendelea. Israel imeongeza kampeni ya mashambulizi dhidi ya kundi la wanamgambo la Hezbollah la Lebanon, yakiwemo mashambulizi ya ardhi, baada ya mwaka mmoja wa makabiliano na kundi la Hamas huko Gaza.
Mapigano ya Lebanon yamelazimisha takriban watu milioni 1.2 kutoroka makwao wengi wakitorokea Beirut pamoja na maeneo mengine ya kaskazini katika wiki 3 zilizopita. Ted Chaiban ambaye ni naibu mkurugenzi wa masuala ya kibinadamu kwenye UNICEF, alitembelea baadhi ya shule ambazo zimegeuzwa kuwa hifadhi ya familia zilizokoseshwa makazi.
Chaiban aliambia shirika la habari la AP, kwamba kilichomshangaza ni idadi kubwa ya watoto walioathiriwa licha ya kuwa vita hivyo vimechukua wiki tatu pekee.