Jeshi la Ukraine, Jumatano limesema lilitungua ndege zisizo na rubani 38 kati ya 63 ambazo vikosi vya Russia vilirusha katika mashambulizi ya usiku.
Kikosi cha anga cha Ukraine kimesema kizizuia ndege hizo zisizo na rubani katika maeneo tofauti tofauti ya nchi ikiwemo Zaporizhzhia.
Vitaliy Kim, gavana wa Mykolaiv, amesema kwenye mtandao wa Telegram kwamba shambulizi la Russia, liliharibu miundombinu ya nishati, lakini haikuumiza mtu yeyote.
Wizara ya Ulinzi ya Russia, Jumatano imesema iliharibu ndege mbili zisizo na rubani za Ukraine katika eneo la Kursk na ndege nyingine huko Oryol.
Maafisa wa Russia, wamesema hakuna ripoti za uharibifu au majeruhi.
Rais wa Ukraine Volodymyr Zelenskyy, Jumanne alisema vikosi vya nchi yake vimepigana na wanajeshi wa Korea Kaskazini ambao walitumwa na Russia kusaidia katika vita na nchi yake.