Wachambuzi wanasema wakati wa ziara hiyo, watakuwa wakiangalia dalili za kufufuliwa kwa ushirikiano kati ya Uingereza na China, ambao umedorora katika miaka ya karibuni. Shirika la habari la Reuters wiki iliyopita lilisema kuwa Lammy anatarajiwa kukutana na maafisa wa China mjini Beijing, pamoja na wawakilishi wa makampuni ya Uingereza mjini Shanghai, na kwamba ziara hiyo itakuwa ya siku mbili kulingana na vyanzo vya kuaminika.
Msemaji wa ofisi ya masuala ya Kigeni na Jumuia ya Madola ya Uingereza ameambia VOA kwamba ziara ya Lammy haijatangazwa kwa umma. Wakati wa kampeni za bunge mwaka huu, chama cha Labour cha Uingereza kiliahidi kutathmini upya, uhusiano wa China na Uingereza ili kujenga ushirikiano wa muda mrefu.
Wakati wa mawasiliano ya simu ya Agosti, kiongozi wa China Xi Jingping na Waziri Mkuu wa Uingereza Kier Stammer walisema kuwa licha ya tofauti zilizopo, kuna haja ya kuwa na mashauriano ya dhati, wakati wakiahidi kuimarisha ushirikiano wa kiuchumi na kimataifa.