Ufaransa inatambua mpango wa kujitawala kwa eneo la Sahara Magharibi chini ya mamlaka ya Morocco kama njia pekee ya kutatua mzozo wa muda mrefu kuhusu eneo hilo, Rais Emmanuel Macron alisema katika barua yake siku ya Jumanne.
Mgogoro huo, ulioanzia mwaka 1975, unaingiza Morocco, ambayo inaichukulia Sahara Magharibi kuwa eneo lake, dhidi ya Polisario Front inayoungwa mkono na Algeria, ambayo inatafuta kuwa na taifa huru huko.
Ufaransa, kama utawala wa zamani wa kikoloni katika eneo hilo, imepitia mivutano ya kidiplomasia kati ya Rabat na Algiers kuhusu suala hilo. Washirika wengi wa Ufaransa, nchi za Magharibi tayari wanaunga mkono mpango huo wa Morocco.
"Kwa Ufaransa, uhuru chini ya mamlaka ya Morocco ndio mfumo ambao suala hili lazima litatuliwe," kwa mujibu wa barua iliyotumwa na Macron kwa Mfalme wa Morocco Mohammed VI.