Rais Donald Trump amewasili Riyadh, mji mkuu wa Saudi Arabia kuanza ziara yake ya kwanza kama rais atakutana na viongozi wa Kiislam
Mfalme wa Saudi Salman Bin Abdulaziz amempokea rais na mkewe, Melania, kwenye uwanja wa ndege.
Rais Donald Trump na mkewe Melania Trump wakilakiwa na Mfalme Salman mara baada ya kuwasili Saudi Arabia
Mfalme na familia ya Trump walitembea katika zulia jekudu wakati wakielekea kwenye ukumbi wa kifalme, katika mashukio ya ndege hapo uwanjani, ambapo walifanya mazungumzo mafupi.
Baada ya muda mfupi, Trump, akiwa na Mfalme wa Saudi waliondoka airport katika gari maalum, wakielekea mjini kupitia njia ambazo hazina msongamano wa magari.