Rais wa Marekani Donald Trump amesema Jumamosi kuwa alikuwa amewaamrisha wawakilishi wake wasisaini makubaliano yaliyofikiwa na viongozi saba wa mataifa ya G 7 yenye uchumi mkubwa duniani nchini Canada, akinukuu matamshi yaliyotolewa na Waziri Mkuu wa Canada Justin Trudeau baada ya kuondoka.
"Ni uwongo kabisa na dhaifu," Trump alituma ujumbe wa tweet kujibu maoni ya Trudeau kwamba ushuru mpya wa Marekani katika chuma na aluminum ilikuwa ni "makosa."
"Kutokana na kauli ya uongo ya Justin wakati wa mkutano na waandishi wa habari, na ukweli wa kuwa Canada inatoza ushuru mkubwa kwa wakulima, wafanyakazi na makampuni ya Marekani, nimewaamrisha wa wakilishi wetu kutosaini makubaliano hayo wakat tukiangalia ushuru unaotozwa kwa magari ambayo yanamiminika katika soko la Marekani!" Trump ameongeza.
"Uhusiano wa kimataifa hauwezi kulazimishwa kwa kutumia hasira kutoa tu maneno ovyo," Ofisi ya Rais wa Ufaransa Emmanuel Macron imesema katika tamko lake juu ya kujitoa kwa Trump kusaini makubaliano hayo.