Ikulu ya White House imesema hayo Ijumaa na tayari Idara ya Sheria imejiandaa kuanza usaili wa watu hao Ijumaa au siku za wikiendi.
Msemaji wa White House Sean Spicer ametoa muhtasari kwamba Trump atachagua mtu kujaza nafasi mara moja wakati atapompata mtu anayekidhi sifa ambazo anafikiria ni muhimu katika kuongoza FBI.
Hata hivyo uteuzi huo utakuwa na uchunguzi wa kina kwa kuwa Comey alifukuzwa wakati akiongoza FBI kuchunguza iwapo kulikuwako na ushirikiano kati ya kampeni ya urais ya Trump na Russia mwaka 2016.
Wafuatao ni watu 11 ambao wanafikiriwa katika nafasi hiyo:
Ray Kelly
Kelly alikuwa Kamishna wa Polisi wa Jiji la New York kwa muda mrefu kuliko mtu mwengine yoyote.
Mike Rogers
Alikuwa mfanyakazi wa FBI ambaye ameshikilia pia nafasi ya Kiti cha Ubunge cha Michigan mpaka 2015 na pia amewahi kuwa mwenyekiti wa Kamati ya Usalama ya Bunge.
Alice Fisher
Fisher alikuwa naibu mwanasheria mkuu wa kitengo cha Jinai cha Idara ya Sheria chini ya utawala wa Rais George W. Bush.
Trey Gowdy
Gowdy ni Mbunge kutoka South Carolina na pia aliwahi kuwa mwendesha mashtaka wa serikali kuu.
John Cornyn
Ni seneta wa Republikan kutoka Texas na ni mwenye nafasi ya pili katika wadhifa wake kwenye Baraza la Seneti. Kabla ya hapo alikuwa mwanasheria mkuu wa Texas.
Paul Abbate
Abbate amefanya kazi miaka mingi na FBI na hivi sasa anatumikia nafasi ya mkurugenzi mtendaji msaidizi wa Kitengo cha Jinai, Mitandao, Majibu na huduma.
Michael Garcia
Alikuwa ni mwendesha mashtaka huko New York na hivi sasa anatumikia nafasi ya jaji msaidizi katika mahakama ya rufaa ya New York.
John Suthers
Suthers ni mwanasheria mkuu wa zamani wa Colorado na sasa ni meya wa Colorado Springs, Colorado.
Michael Luttig
Luttig, Wakili wa zamani wa Idara ya Sheria na jaji ya mahakama ya rufaa.
Larry Thompson
Thompson alikuwa naibu mwanasheria mkuu wa Marekani kati ya mwaka 2001 hadi 2003 wakati wa utawala wa Bush.
Andrew McCabe
McCabe amekaimu ukurugenzi wa FBI katika kipindi cha wiki hii baada ya Trump kumfukuza kazi Comey. Ni naibu mkurugenzi wa FBI.