Rais wa Uturuki, Recep Tayyip Erdogan, ataitembelea Ethiopia na Somalia mapema mwaka ujao baada ya kufanya makubaliano ya kumaliza mivutano kati ya majirani hao wa Pembe ya Afrika, amesema Jumapili kupitia mtandao wa X.
“Nitazitembelea Ethiopia na Somalia katika miezi miwili ya kwanza ya mwaka mpya,” aliandika katika ujumbe akigusia makubaliano kati ya Waziri Mkuu wa Ethiopia, Abiy Ahmed na Rais wa Somalia Hassan Sheikh Mohamud mjini Ankara, Desemba 11.
Wawili hao walikubali kumaliza mzozo wao wa karibu mwaka mzima baada ya saa kadhaa za mazungumzo yaliyosimamiwa na Erdogan, ambaye alisifu mafanikio hayo kuwa ni historia.
Mzozo huo ulianza Januari wakati Ethiopia isiyo na bandari ilipofikia makubaliano na mkoa uliojitenga nchini Somalia wa Somaliland kukodisha sehemu ya ufukwe kwa ajili ya bandari na kambi ya kijeshi.